![](https://oshba-naturalherbs.net/wp-content/uploads/2023/12/الزعفران-1024x1024.png)
نبات ليه موطن محدد زى نباتات كتير وبيكون موجود داخل زهور بنفسجية اللون
الموطن (الدول اللى بيتزرع فيها ) :- (ايران _اسبانيا _المغرب _باكستان )
الأفضل فيهم :- (إيران واسبانيا )
افضل أنواعة :- اسمه سوبر نقيل
هو مصنف بهار كمان ويعتبر البهار الأغلى فى العالم
طب هو غالى ليه :
أول سبب هو ندرته كل زهرة من زهور الزعفران بيكون فيها عدد شعيرات قليل جدا وبالتالى بيحتاج مساحه كبيره وأيدى عامله عشان تجنى الزهور دى وبعد كده بيتم فصل سعرات الزعفران من داخل الزهور .
طب ايه بقى فوائد الزعفران ده.
دراسة اولى
_الزعفران بيحسن الحاله المزاجيه للشخص ويعالج الاكتئاب وده بناءا عن دراسات ودى دراسة تمت لمدة أربع اسابيع بجرعه يوميه 14ملى جرام مرتين يومياً كانت النتائج
تحسين الحاله المزاجيه
تهدئة مشاعر القلق
تحسين إدارة الإجهاد. (يعنى دعم الجهد البدنى الاشخاص )
دراسة ثانية
اتعملت على الأطفال اللي اعمارهم بين 12ل16عام لمدة 8اسابيع بجرعة 14ملى جرام مرتين يومين كانت النتائج
-تحسن فى الحالة المزاجية
-الحد من الرهاب الجماعى
-الحد من مشاعر القلق
دراسة ثالثة
كانت لمدة 8اسابيع بجرعة يومية 30ملى جرام يوميا على عدد 160شخص بالغ يعانون ويستخدمون أدوية الاكتئاب اللى بها من آثارها الجانية انعدام أو ضعف فى الرغبه والقدرة للمتزوجين سيدات ورجال كانت النتائج
_تحسن ملحوظ بنسبة 70% للرجال والسيدات فى الرغبة والقدرة للمتزوجين
-تحسين فى جودة النوم
لو جمعنا اهم فوائده هتكون
_تعزيز وظائف المخ
_حماية صحة النظر من آثار الشيخوخه (مابعد ٦٠ عام )
_تحسين الخصوبة
_تحسين عمل الجهاز الهضمى
_تحسين الخصوبة والرغبة للرجال والسيدات
ومن منطلق الحلو ميكملش
(ياتى الغش طبعا منتج غالى وفوائده عظمية لازم يبقى فيه ناس تغشه)
الغش فى الزعفران
_احيانا بيجيبو شعر الدرة ويدهنوا أو يرشوا عليه لون احمر.
_او يجيبو العصفر اللى كلكم عرفينه ويدهنوا احمر
_او يخلطوا زعفران اصلى مع اى نوع من الاتنين اللى فوق دول فى عملية تخفيف الوزن وتقليل التكلفة وبردو ده غش صريح طبعا
طب ازاى ممكن تختبر الزعفران
_الزعفران ليه ريحة نفاذه وحلوه جدا.
_الزعفران عند إضافته للمياه بيخرج لون ذهبى(اصفر) بعد دقائق
لو الزعفران لقيته معلمش الحاجتين دول يبقى مغشوش طبعا
طريقة استخدام الزعفران
يتم إضافة من 5شعيرات إلى 10 شعيرات إلى كوب مياه فاتر ويترك 15 دقيقة ثم يتم تناوله
يمكنك ايضا إضافته إلى الطعام أو الرز بنفس الكمية
ملحوظة هامة
بلاش تزود فى جرعة الزعفران من مبدأ الطمع لأن ليه سمية